Inés Goñik gidatutako eta Borja Doñoro, Iñigo López eta Iván Azkarateren ahotsek lagundutako Samaria Gospel Singers taldeak Ipar Amerikako gospel tradizionalaren esentzian barrena egindako ibilbidea aurkezten du, ahotsen indarrean, harmonietan eta partekatutako emozioan oinarrituta.
Ikuskizunaren erreferente nagusietako bat Doris Akers da, abeslaria, pianista, zuzendaria eta generoaren konpositore garrantzitsuenetako bat. Miss Gospel Music ezizenez ezaguna, Akersek gospel afroamerikarraren eta hegoaldeko gospelaren arteko zubiak eraikitzea lortu zuen, lehenengoaren intentsitatea eta sentimendua bigarrenaren ahots-harmoniekin eta izaera melodikoarekin uztartuz. Konbinazio horri esker, Lead Me, Guide Me eta Sweet, Sweet Spirit bezalako konposizioak klasiko unibertsal bihurtu ziren.
Samaria Gospel Singers taldearen errepertorioak Mahalia Jackson, Clara Ward Singers eta The Staple Singers bezalako artista eta talde historiko handien eragina ere jasotzen du, XX. mendean gospelak izandako bilakaera eta zabalkundea ulertzeko ezinbesteko izenak.
Nortasunez beteriko lau ahotsekin, Samaria Gospel Singers taldeak kontzertu hurbil, dotore eta zirraragarria eskaintzen du. Bertan, tradizioak bizitza berria hartzen du eta ahots-harmoniak protagonista nagusi bihurtzen dira.
